Assalamualaikum Wr. Wb.
Sugeng enjing.
Bapak kepala pawiyatan menengah
negeri 4 Surakarta ingkang kula hormati.
Bapak ibu guru pawiyatan menengah
negeri 4 Surakarta ingkang kula hormati.
Bapak ibu wali murid ingkang kula
hormati.
Minangka titahing Gusti Allah
ingkang Maha Gesang, sumangga panjenengan sedaya kula dherekaken muji syukur
dhumateng Allah ingkang sampun paring rahmat, taufik serta hidayah, pramila ing
siyang punika kula tuwin panjenengan sedaya saged makempal saperlu mahargya
perpisahan kelas 9 siswa-siswi pawiyatan menengah negeri 4 Surakarta.
Kula perwakilan kelas 7 kaliyan
kelas 8 badhe ngaturaken selamet kangge sedaya sedherek sepuh kelas 9 amargi
sampun sukses ngrampungaken pendidikan ing jenjang pawiyatan menika. Selamet
kangge sedaya sedherek sepuh kelas 9 ingkang sampun sukses nindakaken ujian
nasional. Kula sakanca inggih badhe ngaturaken panuwun kangge sedherek sepuh
kelas 9 amargi sampun dados tuladha kang becik kangge kula kaliyan kanca-kanca.
Maturnuwun sampun maringi bantuan kaliyan bimbingan dhumateng kula sakanca.
Kula sakanca ugi nyuwun pangapunten ingkang kathah, salabeting sedherek sepuh
kelas 9 sinau ing pawiyatan, kula sakanca nggadhahi tindak tanduk ingkang boten
becik. Nyuwun pangapunten, salabeting sedherek sepuh kelas 9 sinau ing
pawiyatan, kula sakanca boten dados adik kelas ingkang becik. Mugi-mugi
sedherek sepuh kelas 9 sekalian saged pikantuk sekolah ingkang jumbuh kaliyan
pilihan panjenengan sedaya.
Mekaten atur kula, menawi wonten
kalepatan kula nyuwun pangapunten. Matur nuwun.
Wassalamualaikum Wr. Wb.
0 comments:
Post a Comment