CONTOH SAMBUTAN PANITIA MAULID NABI SAW

SAMBUTAN PANITIA

PERINGATAN MAULED NABI 2014 MASJID NURUL HIDAYAH

Assalamu’alaikum Wr.Wb

Hadrotil mukarom poro alim ulama warosatul anbiya iwal mursalin ingkang  kawulo dere aken ugi ingkang kawulo hormati ………

Hadrotal mukarom  bpk kyai Ahmad Damani ugi bpk Kyai Muhamad Khafidun ingkang kito hormati ………………………….

Dumateng sesepuh, kasepuhan pini sepuh utaminipun bpk Kepala desa Wonokromo soho perangkat desa nipun ingkang kawulo taati lan ingkang kawulo hormati ……………………

Dumateng ibu nyai ingkang kawulo hormati ……………….

Dumateng ibu-ibu  adik-adik santri masjid nurul hidayah lan sedoyo poro rawuh ingkang kawulo hormati …………………

Pertama monggo kito sareng-sareng ngunjuaken raos syukur wonten  ngarsanipun Allah AWT kanti ucapan Alhamdulillahirobbil’alamin, ingkang sampun paring  pinten-pinten karohmatan dumateng kito sedoyo, sehinggo wonten ing dalu meniko kito saget makempal manunggal  wonten ing meniko majlis kangge ngawontenaken peringatan  Maulid Nabi Besar  Muhamad SAW, kanti mboten manggihi   halangan setunggal menopo.

Sholawat salam ugi katur kunjuk dumateng panutan kito , junjungan kito rosulullah SAW, pamugi kito sedoyo saget termasuk umat ingkang bade pikantuk safa’atipun mbenjang wonten ing yaumal kiyamah amiin….. allahumma amiin…..

 

Sagunging poro rawung ingkang  kawulo hormati…………

Nuwun sewu,………………….. bilih adek kawulo ing mriki supados  matur minongko sambutan panitia penyelenggara.

Sepindah, kawulo ngaturaken agunging panuwun dumateng ibu-ibu ugi adik-adik sedoyo santri masjid nurul hidayah ingkang sampun kerso rawuh ing mriki kangge ngawontenaken peringatan  Maulid Nabi Agung Muhamad SAW.

Kaping kalihipun kawulo ngaturaken agunging panuwun dumateng bapak Kyai ugi Ibu Nyai atas panggenanipun, sehinggo acara ing dalu meniko saget kelaksana aken, ugi saking panitiangaturaken dumateng  poro bapak ibu adik-adik santriwan santriwati  ingkang sampun bantu arupi bando tenogo pikiran utawi materi sehinggo acara meiniko saged kalaksanan  kanti meriah.

Dene selajengipun, mbok bilih anggen kawulo selaku panitia penyelenggara, anggenipun nampi ibu-ibu, adik-adik santri masjid nurul hidayah  kirang mranani saking menopo kemawon, kawulo nyuwun agunging pangapunten.

Kados meniko ingkang saged kawulo aturaken minongko sambutan panitia penyelenggara peringatan mauled nabi muhamad SAW, mbok bilih anggen kawulo matur katah khilafipun, kirang sopan santunipun, saking kawulo nyuwun agunge pangapunten.

Mekanten, kawulo akhiri . bilahi taufik walhidayah,

Wassalamu’alaikum Wr.Wb.